Qırımtatar Maaliy Merkezi

Mustafa Cemilevge qarşı açılğan "cinaiy dava" mahkemege yollandı

08.06.2020

Sözde Rusiye Taqiqat komitetiniñ işğal etilgen Qırım boyunca Baş taqiqat idaresi qırımtatar halqınıñ lideri Mustafa Cemilevge qarşı açılğan "cinaiy davanıñ" taqiq etüvini bitirip, temelnen baqmaq içün mahkemege yolladı. Bu aqta idareniñ matbuat hızmeti bildirdi.

Mustafa Cemilev Rusiye Ceza qanunnamesi 322 maddesiniñ 3 qısmı "Rusiyeniñ devlet sıñırını qanunsız keçüv", 222 maddesiniñ 1 qısmı "Silâ, onıñ esas qısımlarını qanunsız aluv, berüv, satuv, saqlav ve taşuv", 224 maddesi "İnsan ölüminiñ sebebi olğan nariye silâsını diqqatsız saqlav" boyunca qabaatlana.