Qırımtatar Maaliy Merkezi

İşğal etilgen Qırımda söz serbsetliginiñ yoqluğı malümat vakuumınıñ sebebi oldı

05.06.2020

Qırım Muhtar Cumhuriyetiniñ prokurorı İgor Ponoçovnıy, işğal etilgen Qırımda 20-den ziyade jurnalist, bloger, Ukraina ve çetel kütleviy haber vastaları hadiminiñ aqları ciddiy şekilde bozuldı, dep bildirdi. Söz serbsetliginiñ yoqluğı yarımadada malümat vakuumınıñ sebebi oldı. Bu aqta prokuraturanıñ matbuat hızmeti haber etti.

"Qırımda söz serbestligi yoq, mustaqil kütleviy haber vastalarınıñ faaliyetı toqtatıldı. Bunıñ episi yarımadada malümat vakuumınıñ sebebi oldı. Mustaqil kütleviy haber vastalarınıñ yoqluğı, malümatnı sert şekilde nezaret etüv, tsenzura, ayın-oyunlar ve teşviqat – bu işğal etilgen yarımadadaki söz serbestliginiñ aqiqiy vaziyeti", - denile haberde.

Jurnalist, bloger, Ukraina ve çetel kütleviy malümat vastaları hadimleriniñ arasında 20-den ziyade insannıñ aqları ciddiy şekilde bozuldı. Böyle menfiy meyil yarımadada ale daa devam ete, kütleviy haber vastalarınıñ faaliyeti işğalci "uquq qoruyıcılarnıñ" nezareti altında buluna.

"Daima işğalcilerniñ qanunsız areketlerine qarşı olmağa tırışamasız. Hususan Qırım sakinlerine yarımadada insan aqları vaziyeti aqqında  aqiqatnı bilmege yardım etemiz. Çünki Qırımda malümat alanı asılda işğalci teşviqatınen toldurıla", - dep qayd etti prokuror.