Qırımtatar Maaliy Merkezi

Ukraina Avropada Havfsızlıq ve İşbirlik Tekşilâtınıñ Yuqarı komissarını Qırım sakinleriniñ aqları bozuvına diqqat etmege çağırta

05.06.2020

Ukraina Avropada Havfsızlıq ve İşbirlik Tekşilâtınıñ Yuqarı komissarı Lamberto Zannierni işğal etilgen Qırımda yaşağan insanlarnıñ ağır alına diqqat etmege çağırttı. Ukrainler ve qırımtatarlarğa qarşı muntazam tarzda basqı ve ayırımcılıq ötkerile ve insan aqları ciddiy şekilde bozula. Bu aqta "Ukrinform" haber agentligi yazdı.

"Biz milliy azlıqlar boyunca Yuqarı komissarnı Mahsus közetici missiyasınen beraberlikte işğal etilgen Qırım ve Donbass sakinleriniñ ağır alına diqqat etip çareler körmege çağırtamız", - dedi Avropada Havfsızlıq ve İşbirlik Tekşilâtındaki Ukraina elçisi Yevgeniy Tsımbalük.

Onıñ sözlerine köre, Rusiye işğal etilgen Qırımnıñ demografisini deñiştirmege tırışıp, ukrainler ve qırımtatarlarğa karşı basqı yapa.

"Din ve tınçlı toplaşuvlar serbestligi bozuvlarınıñ sayısı bir yıl içinde bayağı arttı. Rusiye sıñırcıları Qırımnıñ Ukraina ile memuriy sıñırında faallerni qanunsız tarzda toqtatıp, Rusiye akimiyetnen gizli işbirlikke celp etmege tırışalar", - dedi o.