Qırımtatar Maaliy Merkezi

1994 senesi Budapeşt memorandumını yañıdan baqmağa vaqıt keldi - Reznikov

02.06.2020

Ğarbiy memleketler Putinnı toqtatamaq içün 1994 senesi Budapeşt memorandumını yañıdan baqmalı. Bu aqta Ukrainanıñ vaqtınca işğal etilgen topraqlarınıñ reintegratsiyasi meseleleri boyunca baş naziriniñ muavini Aleksey Reznikov Atlantic Counsil neşrine bildirdi.

Олексій Резніков – біографія Міністра з реінтеграції

"Ukraina 2014 senesinden berli özüni Rusiyeniñ tecavuzından qorçalay. Halqara toplulıq Putinnı Ukrainada toqtatıp olamağanı bütün ğarbiy dünyağa qarşı Rusiye hibrid cenkiniñ kerginleşmesine ketirdi. Cebeleşüvni bitirmek ve barışıqqa yol almaq içün 1994 senesi imzalanğan Budapeşt memorandumını yañıdan baqmağa vaqıt keldi", - dedi o.

Reznikov, başta mesleatlaşuvnı Rusiyesiz ötkermek kerek, çünki Moskva işğalcige çevirilip kefillik statusından vazgeçti, dep qayd etti. Lâkin Budapeşt formatı yañıdan Kreml ile munasebetlerni qurmağa imkân berecek.