Qırımtatar Maaliy Merkezi

Rusiyede faaller qırımtatarlarğa qol tutıp bir kişilik piketlerni ötkerdiler

01.06.2020

Cumaertesi künü, mayısnıñ 30-da "Strateji-30" teşebbüsniñ iştirakçileri Moskvada qırımtatar ve ukrain siyasiy mabüslerge qol tutıp, bir kişilik piketlerni ötkerdiler. Olar qollarında "Siyasiy basqını toqtatmaq", "Siyasiy mabüslerni ölümden qurtarıñız", "Teraktsız terroristler", "Qırğınlıq vaziyetinde Rusiyede er bir çıqarılğan üküm – ölüm ükmüdir" degen yazuvlı şiarlarnı tuta ediler. Bu aqta faaller öz Facebooktaki saifesinde haber ettiler.

"Adisesiz olmadı: "diqqatlı vatandaşlar" polisni çağırdılar. Polis deral keldi (cinayet yerine böyle tez kelse edi). Yahşı, protokol yazmadılar", - tarif etti faalerden biri.