Qırımtatar Maaliy Merkezi

6 yıl evel Qırımda ğayıp olğan Seyran Zinedinov aqqında ale daa iç bir malümat yoq

30.05.2020

6 yıl evel, 2014 senesi mayısnıñ 30-da, işğal etilgen Qırımda "Ukraina evi" faali Seyran Zinedinov ğayıp oldı. Ale daa onıñ aqqında iç bir malümat yoq. Seyran evelleri ğayıp olğan Timur Şaymardanov ve Leonid Korjnı qıdıra edi. 2014 senesi mayısnıñ 30-da o, Timur Şaymardanovnıñ ömür arqadaşınen körüşip, Timur Rusiye tarafdarlarında olğanını tahmin etti. Şu körüşüvden soñ Seyran evge qaytmadı.

Seyran Zinedinov ğayıp olğanı sebebinden em işğal etilgen Qırımda, em de Ukrainanıñ qıta qısmında cinaiy davalar açıldı.

Sözde Qırım boyunca Rusiye Taqiqat komitetiniñ baş taqiqat idaresi Rusiye Ceza qanunnamesi 105 maddesiniñ birinci qısmına köre (öldürüv) cinaiy davanı açtı. Lâkin "taqiqat" iç bir netice bermedi.