Qırımtatar Maaliy Merkezi

Avropa Birligi Qırım işğalini iç bir vaqıt tanımaz - Borrell

29.05.2020

Avropa Birliginiñ tış işleri ve havfsızlıq siyaseti boyunca Yuqarı temsilcisi Josep Borrell, Avropa Birligi Ukrainanıñ mustaqilligi ve hudud bütünligine qol tutıp, Rusiye tarafından Qırımnıñ işğal etilüvini iç bir vaqıt tanımaz, dep bildirdi. Bu aqta Avropa Birliginiñ saytında haber etile.

"Ukrainanı hatırlamağa isteyim. Teessüf ki, Rusiye Qırım yarımadasını qanunsız şekilde ilhaq etip, Minsk añlaşmalarını körmemezlikke urğanı Avropa Birligi ve Rusiye arasında munasebetlerni ciddiy şekilde bozdı", - dedi o.

Borrellniñ sözlerine köre, devletlerniñ mustaqilligi ve hudud bütünligine qol tutuv Avropa Birligi ve onıñ şarqiy ortakları arasında munasebetlerniñ esas qısmıdır. Helsinkide imzalanğan qaideler Avropanıñ işbirlik, havfsızlıq ve birdemlik tarzda inkişafı içün pek müimdir.