Qırımtatar Maaliy Merkezi

Timur Şaymardanov qayda? 6 yıl evel ğayıp olğan faal aqqında ale daa iç bir malümat yoq

26.05.2020

2014 senesi mayısnıñ 26-da işğal etilgen Qırımda "Ukraina halq evi" cemaat teşebbüsiniñ azası Timur Şaymardanov saba evden çıqıp, keri qaytmadı. Onıñ qayda ve nasıl allarda ğayıp olğanı – belli degil, şaatlar yoq. Şu sebepten em işgal etilgen Qırımda, em de Ukraina qıtasında cinaiy davalar açıldı, amma taqiqat iç bir neticege kelmedi. Ümüt etemiz ki, Timur Şaymardanov öz ailesine qaytıp kelir.

Şaymardanovnıñ ömür arqadaşınıñ sözlerine köre, 2014 senesi mayısnıñ 26-da Timur sabadan bankqa barmağa azırlana edi. Saat 10:15 o, anasına, soñ babasına telefon etti. Saylavlar aqqında laf etip, o, müim işlernen oğraşacaq, onıñ içün yaqın vaqıtta oña telefon etmege kerekmey dep ayttı. Bundan soñ o, ğayıp oldı.

Sözde Qırım Cumhuriyeti boyunca Rusiye taqiqat komitetiniñ baş taqiqat idaresi Rusiye Ceza qanunnamesi 105 maddesiniñ birinci qısmına (öldürüv) köre cinaiy dava açtı. Cinaiy dava Ukraina qıtasında da açıldı, amma ale daa faal aqqında iç bir malümat yoq.