Qırımtatar Maaliy Merkezi

Rusiye quvetçileri qırımtatarğa 2000 ruble para cezasını berdiler

25.05.2020

İşğal etilgen Qırımdan Ukrainanıñ qıta qısmına eki kere çıqmağa tırışqan Dilâver Memetovğa pasportından saifeler yırtıp çıqarılğan içün 2000 ruble para cezasını berdiler. Bu aqta "Qırım birdemligi" birleşmesi haber etti.

"Memetov vesiqanı bozmadı. Yırtıp çıqarılğan saifeler ile pasportnen yolğa çıqmağa mantıqsızdır. O, sıñırdan birinci kere keçmey. Elbette, biz sıñırcılarnıñ areketlerine şikyaet etip, Taqiqat komitetinden olarnı teşkermege talap etecemiz", - dedi advokat Nazim Şeyhmambetov.

Qırımtatarnı Qırımdan çıqışqa yasaq ve 2000 ruble memuriy para cezasına dair qararlarnı berip yiberdiler.