Qırımtatar Maaliy Merkezi

Amerika Birleşken Devletleri Rusiyeni Qırım sakinleriniñ askerlikke aluvını deral toqtatmağa çağırttı

22.05.2020

Ukrainadaki Amerika Birleşken Devletleriniñ elçiligi Rusiyeni işğal etilgen Qırımnıñ sakinlerini askerlikke aluv ve başqa suistimallarnı deral toqtatıp, yarımadanı Ukraina nezareti altına qaytarmağa çağırttı. Bu aqta elçiliginiñ matbuat hızmeti bildirdi.

"Qırım sakinlerini Rusiyeniñ silâlı quvetlerine çağırış arbiy işğal boyunca halqara humanitar qanunlarına zıt kele. Biz Rusiyeni Qırım sakinlerini askerlikke aluv ve başqa suistimallarnı deral toqtatıp, yarımadanı Ukraina nezareti altına qaytarmağa çağırtamız", - denile haberde.

Elçiliginiñ beyanatında qayd etile ki, Rusiye tarafından Qırımnıñ arbiy işğal etilüvi IV Jeneva konventsiyası ve arbiy işğalge nisbeten qullanılğan adiy halqara uquqnıñ şartları altına tüşe. IV Jeneva konventsiyasınıñ 51-cı maddesinde işğalci akimiyet "işğal etilgen hududlarnıñ sakinlerini silâlı ve yardımcı quvetlerinde hızmet etmege mecbur etmemeli" dep qayd etile.