Qırımtatar Maaliy Merkezi

Amerika Birleşken Devletleri kongressinde Qırım boyunca qararnıñ yañı leyhası taqdim etildi

12.05.2020

Bazarertesi künü, mayısnıñ 11-de, Amerika Birleşken Devletleri kongressinde Rusiyeden deral siyasiy mabüslerni azat etmege ve Tramp memuriyetinden insan aqları bozuvında qabaatlı olğan Rusiye memurlarına qarşı sıñırlavlarnı kirgizmege talap etken qarar leyhasını taqdim ettiler. Bu aqta ABD temsilciler meclisi halqara işler komitetiniñ saytında haber etile.

"Vladimir Putin – temelli ürriyetler, şu cümleden söz, matbuat serbestligi, siyasiy muhalefet ve demokratiyanı çoqtan bastırıp kelgen zalım avtoritar ükümdardır. Putin rejiminiñ tenqitçisi Boris Nemtsovnıñ öldürüvi, Putinge qarşı çıqqan insanlarnıñ qaba tarzda bastırıluvını köstere", - denile haberde.

Qararda bütün siyasiy mabüslerni azat etüv ve insan aqları bozuvında qabaatlı olğan Rusiye memurlarına qarşı sıñırlavlar qoymasınıñ zarureti qayd etile.