Qırımtatar Maaliy Merkezi

Amerika Birleşken Devletleri Rusiyeden işğal etilgen Qırımğa közeticilerni yibermege talap eteler

11.05.2020

Avropada havfsızlıq ve işbirlik teşkilâtında Amerika Birleşken Devletleriniñ eyeti, Rusiyeden Ukrainanıñ bütün topraqlarına, şu cümleden işğal etilgen Qırımğa közeticilerniñ tam ve maniasız kirişni teminlemege talap ete. Bu aqta eyetniñ Twitterdeki saifesinde haber etile.

"Avropada havfsızlıq ve işbirlik teşkilâtında Amerika Birleşken Devletleriniñ eyeti nevbetteki kere Rusiye ve onıñ tarafdarlarından közeticilerge Ukrainanıñ bütün topraqlarına, şu cümleden Qırımğa tam ve maniasız kirişni teminlemege talap ete", - denile eyetniñ beyanatında.