Qırımtatar Maaliy Merkezi

Qırımtatar Maaliy Merkezi, işğal etilgen Qırımda 2020 senesiniñ I kvartalında qayd etilgen insan aqları bozuvlarınıñ talilini taqdim etecek

06.05.2020

Cuma künü, mayısnıñ 8-de, saat 15-te Qırımtatar Maaliy Merkezi onlayn rejiminde işğal etilgen Qırımda 2020 senesiniñ I kvartalında qayd etilgen insan aqları bozuvlarınıñ talilini taqdim etecek.

Tedbirniñ spikerleri:

- Eskender Bariyev, Qırımtatar Maaliy Merkezi idaresiniñ yolbaşçısı, Qırımtatar Milliy Meclisiniñ azası;

 - Elvir Sagirman, Qırımtatar Maaliy Merkeziniñ alâqa idarecisi.

Onlayn мatbuat konferentsiyasında 2020 senesiniñ I kvartalında Qırımnıñ işğalci akimiyetiniñ qanunsız areketleri, şu cümleden yaşamaq, serbestlik ve havfsızlıq, şahsiy tiyilmemezlik aqları bozuvları (tintüvler, tutuvlar, sorğular, yaqalavlar ve ilâhre), temelli ürriyetler bozuvları (adaletli mahkemege, bedeniy ve ruhiy sağlığınıñ eñ yüksek seviyesine lâyıq olğan aqlarını bozuvlar, mabüslerni qanunsız şekilde Qırımdan alıp ketmesi ve ilâhre) talil etilecek.

Tedbirniñ çerçivesinde bütün meraqlandırğan sualleriñizge cevap ala bilirsiñiz.

Er kesni faal şekilde iştirak etmege davet etemiz!

Onlayn matbuat konferentsiyası https://www.facebook.com/CTRC2015 ve https://www.facebook.com/eskender.bariiev saifelerinde ötkerilecek.

Tedbirniñ vaqtı: cuma künü, mayısnıñ 8-de, saat 15-te.

Alâqa malümatı: ctrcenter2015@gmail.com