Qırımtatar Maaliy Merkezi

İşğal etilgen Qırımda göñülliler yunus balıqlarını qurtarmağa çağırtalar

05.05.2020

İşğal etilgen Qırımda aprel ayında 127 yunus balığınıñ yalığa atılğanı qayd etildi. Olarnıñ çoqusı ağır hastalıqlardan öldi. Bu aqta Rusiye "Kedersiz deñiz" deñiz sütemicilerniñ ögrenüvi, qurtaruvı ve reabilitatsiyasi merkeziniñ göñüllileri haber ettiler. Olar cemiyetni balıqlarnı qurtaruvında yardım etmege çağırtalar.

"Tek aprel ayında biz 127 yunus balığı, şu cümleden yükli soylarnı (azovka ve afalina) yalığa atılğanını qayd ettik. Yaqında, keçken yıllarda kibi, çoq yalıñız qalıp yardımsız yaşap olamağan balıq balaları ve körfezlerge yaldap kelgen hasta ya da yaralanğan balıqlar beklene", - denile haberde.

Yalığa atılğan balıqlarnıñ çoqusı ağır hastalıqlardan öle ve "bizim borcumız - tırı qalğanlırınıñ sayısını arttırmaq", dep qayd ettiler göñülliler.

"Azovka yunus balığı ğayıp oluv telükesi altında olğanı içün Qırmızı kitapqa kirsetildi ve biz onı qurtarmalımız. Kimerde biz sebeplerden degil de, neticelerden oğraşmağa mecbur olamız, amma olarnı da körmemezlikke urmaq mümkün degil. Siz bizge qol tuta bilesiñiz", - dediler göñülliler.