Avropa Birligi ve Amerika Birleşken Devletleriniñ sanktsiyaları Rusiye iqtisadiyatınıñ qalbine ağırttırıp uralar - Melnik

Almaniyadaki Ukraina elçisi Andrey Melnik, Avropa Birligi ve Amerika Birleşken Devletleriniñ sanktsiyaları Rusiye iqtisadiyatınıñ qalbine ağırttırıp urğanını Kreml tarafdarı, Almaniyanıñ sabıq kantsleri Gerhard Şröder Rusiyeden sanktsiyalarnı çıqarmaq kerek, çünki olar tesir etmeyler degeni isbatlay, dep bildirdi. Bu aqta elçihaneniñ matbuat hızmeti haber etti.

"Şröder ve cenksever Moskvanıñ başqa tarafdarları er köşede Rusiyege qarşı kirsetilgen sanktsiyalar sanki "manasız" dep ne qadar yüksek seslerini köterse, o qadar Almaniya cemiyetine sanktsiyalarnıñ Rusiye zayıf iqtisadiyatına, demek siyasiy reberlerine ağırttırıp urğanı açıq-aydın körünip tura", - dep bildirdi Melnik.

Elçi, 76 yaşında Şröder mıtlaqa öz közünen Qırımnıñ Ukrainağa qaytuvını körecek, dep qayd etti.