Qırımtatar Maaliy Merkezi

6 yıl evel işğalciler qırımtatar halqınıñ lideri Mustafa Cemilevge Qırımğa kirmege yasaq ettiler

03.05.2020

6 yıl evel, 2014 senesi mayısnıñ 3-de, 5 biñge yaqın qırımtatarı, Mustafa Cemilevni qarşılımaq içün yarımadanıñ çeşit köşelerinden Ermeni Bazardaki Qırımnen ile memuriy sıñırğa keldiler. Bundan evel işğalciler qırımtatar halqınıñ liderine 2019 senegece Qırımğa kirişni yasaqladılar. Soñra Mustafa Cemilevni mayısnıñ 3-de qarşılağan qırımatarlarğa qarşı yüzlerce cinaiy dava açılıp, şartlı müddet ve para cezası berildi. Bundan ğayrı, insanlarnı yaqalap, Federal havfsızlıq hızmetinde sorğuğa çekken ediler. Mustafa Cemilev, yasaq bitkenine baqmadan, öz Vatanına qaytıp olamay, çünki işğalciler oña qarşı bir qaç cinaiy dava açıp, qıdıruvğa ilân ettiler.