Qırımtatar Maaliy Merkezi

Avropa Birligi Rusiyeni Qırımtatar Milliy Meclisiniñ yasağını lâğu etmege çağırta

01.05.2020

Cumaaqşamı künü, aprelniñ 30-da, Avropada telükesizlik ve işbirligi teşkilâtı Daimiy şurasınıñ onlayn oturışında Avropa Birligi Rusiyeni Halqara mahkeme 2017 senesi aprelniñ 19-da qabul etken Qırımtatar Milliy Meclisiniñ yasağını lâğu etmesine dair qararnı kerçekleştirmege çağırttı. Bu aqta "Ukrinform" haber agentligi bildirdi.

"Avropa Birligini, Rusiye tarafından işğal etilgen Qırım Muhtar Cumhuriyeti ve Aqyar şeerindeki insan aqları vaziyeti raatsızlay. Rusiye Qırımtatar Milliy Meclisni yasaq etkeninden berli 4 yıl keçti. Biz Rusiyeni Halqara mahkeme 2017 senesi aprelniñ 19-da qabul etken qararnı becermege çağırtamız", - denile beyanatta.

Bundan ğayrı Avropa Birligi Rusiyeni "qırımtatar cemiyetiniñ diniy, medeniy, devlet ve şahsiy yaşayışına nasıldır sıñırlavlar qoymasından vazgeçmege" çağırttı.