Qırımtatar Maaliy Merkezi

Qurban bayramıñız hayırlı olsun!

20.07.2021

Sayğılı qardaşlarım, Qurban bayramıñız ya da Id al-adha (Arapça. عيد الأضحى) mübarek ve hayırlı olsun!

Quranğa köre, Cebrail melegi İbrahim peyğamberge(aleyhi selãm) yuqu içinde, Yuce Allahnıñ emri olaraq, oğlu İsmailni qurban ketirmesini buyurdı. İbrahim(aleyhi selãm) şimdi Mekke olğan Mina uvasına barıp, hazırlanmağa başladı. Oğlu İsmail da, Rabbisiniñ emrine uyaraq, öz taqdirine razı olğan edi. Allah qulunı sınamaq içün böyle emir buyurğan. Qurban aman-aman ketirilgende Allah bala yerine qoy soydırttı, İbrahim aleyhi selãm ise oğluna qavuştı.

Halqımız yaşağan ağır devir de Rabbimizniñ sınavıdır. Allah cümlemizge bu imtianlardan keçmek içün küç ve feraset bergenini tileyim. Yüce Rabbimiz dualarımıznı duyar ve Vatanımız Qırımda serbest yaşap, medeniyetimizni saqlamaq, inkişaf etmek, yaqınlarımızğa yardım elini uzatmaq, Qırımnı gür, bereketli, barışıqlı bir ülkege çevirmek niyetlerimizni kerçekleştirmege yardım eter dep ümüt etemiz.

Hepimiz içün qaviy sağlıq, quvanç, barışıq tileyim. Allahnıñ rahmeti üzeriñizge ensin.

 Kelecek bayramımıznı hepimiz birlikte serbest Qırımımızda kerçek dostlarımıznıñ etrafında keçirmemizni tileyim.

 Eskender Bariyev, Qırımtatar resurs merkeziniñ reisi.