Qırımtatar Maaliy Merkezi
+38 (067) 343 74 54   +38 (044) 489 61 25

Mültimedia

QRM Qırım haqqında yañı rolikni taqdim ete

15.08.2022

QRM belli ukrain ve qırımtatar artistlerniñ iştiragı ile yañı rolikni taqdim ete.

Rusiye Ukrainağa qarşı cenk başlağanınen ukrainlerniñ hayatları bütünley deñişti.

Faqat şunı hatırlatmaq kerek ki, Ukrainada cenk taa 2014 senesi, Rusiye Qırımnı işğal etkende başlandı. Yarımada sakinleri sekiz yıldan berli yañı kerçeklerni yaşamağa mecburlar. Rusiye hakimiyetine qarşı çıqqanlar taqip ve basqı altında bulunmaqtalar.

 Buña baqmadan Ukraina sakinleri işğal etilgen Qırımdaki vaziyetni temelinen bilmeyler. Yazıq ki, bazıları yarımadamız Ukrainağa ait olğanını unutıp, olğan vaziyetlerine alışayatalar.

 Videomızda  Ukrainanıñ Camala, Svãtoslav Vakarçuk, Taras Topolã, Ahtem Seytablayev ve Sevgil Musayeva kibi belli insanları Qırım ve Ukrainanen bağlı 5 mühim tarih haqqında añlattılar:

-Qırımnıñ rusiye işğaline qarşılıq künü

-Qırımtatar halqınıñ sürgünlik qurbanlarını añma künü

 -Qırımtatar bayraq künü

- Halqara tamır halqlar künü

- Rusiyeniñ Ukrainağa istilãsı

Mezkür videomıznı seyir etken her ukrain Qırımımız içün küreşni devam etmege kerekligini añlar degen ümmüttemiz.

 Qırımdan başladı...Qırımda bitecek!

Qırım Ukrainadır!