Qırımtatar Maaliy Merkezi

Mültimedia

''İşğalciler basqısını arttıra'', - dep izaatlay Qurmandaki «Hizb ut-Tahrir davasınıñ» iştirakçilerine çıqarılğan ükümlerni Eskender Bariyev

05.11.2020

Qırımtatar Maaliy Merkezi idaresiniñ yolbaşçısı, Qırımtatar Milliy Meclisniñ azası Eskender Bariyev ''ATR'' telekenalında çıqışta bulunıp, Qurmandaki «Hizb ut-Tahrir davasınıñ» iştirakçilerine çıqarılğan ükümlerni izaatlar eken, işğalciler basqısını arttırğanını ve atta işğalci mahkemelerniñ qararlarında şaraitlerini sertleştirgenlerini qayd etti.

Bariyev Qurmandaki «Hizb ut-Tahrir davasınıñ» iştirakçileri cezasını eki yıl apishanede, soñra ise qattı tertipli koloniyada çekeceklerini qayd etti.

''Bundan evel böyle qararlar çıqarılmay edi. Koloniyada mabuslarnıñ imkânları daa keniş, misal olaraq, olar bir şeyler satın ala bileler. Apishanede ise tek ücre içinde oturmağa mümkün, tışarı çıqmaqnıñ çaresi yoq. Yani olar şimdi basqılarını quvetleştirip, atta işğalci mahkemelerniñ qararlarında şaraitlerini sertleştireler'', - dep añlattı o.