Qırımtatar halqı sürgün etilgenine 79 yıl tolğanı munasebetinen QRM yañı 1944 senesi dehşetli vaqialar, cinayetçiniñ cezasız qalğanı ve bunıñ neticelerini añlatqan ‘Tünevin takbih etilmegenler bugün tekrarlanmaqta’ adlı videonı taqdim ete.
1944 senesi 18 mayıs künü, Stalinniñ emri ile bütün qırımtatar halqı sürgün etildi. Umumen Qırımdan 191 044 adam köçürildi, sürgünlikten 238 500 adam zarar kördi, olardan 46,2 % ilk yılları elãk oldı.
Şundan da ğayrı, sovet hakimiyeti Qırımda qırımtatarlarnen bağlı her şeyni, adamlarnıñ özünden başlap, tarih ve medeniyetini yer yüzünden silmege tırışa edi.
Qırımtatarlar Sovetler Biriliginiñ milletler cedvelinden silindi, 1989 senesine qadar ise qırımtatarlarğa Vatanına ayaq basmağa bile yasaq etilgen edi. Genotsid siyaseti 2014 senesinden, yani Rusiye Qırımnı işğal etkeninden berli devam etmekte.
1944 senesi bütün dünya qırımtatar sürgünligini takbih etmegeniñ bir aqibeti olaraq al-azırda yañı cinayetler yüz bermekte. Şimdi rf ukrain halqınıñ genotsidini kerçekleştirmekte.
Biz bunı toqtatmaq kerekmiz!
Tünevin takbih etilmegenler bugün tekrarlanmaqta!
Cinayetçi cezasını çekmeli!
Video Qırımtatar Resurs Merkezi tarafından ‘Qoşul’ halq faaliyetine destek Programması çerçivesinde taqdim etildı. Mezkür programma AQŞ halqara inkişaf Agentligi(USAID) tarafından maddiy desteklenile ve Ukrainada Pact ile amelge keçirile. Videonıñ mündericesi sadece Pact mesüliyetindedir ve AQŞ ya da USAID noqtainazarlarını aks etmey bile.