Qırımtatar Maaliy Merkezi
+38 (067) 343 74 54   +38 (044) 489 61 25

Mültimedia

‘Qırımda rus ordusı olarnı qorçalap olamaycağına emin oldılar’- Bariyev

23.08.2022

Qırımtatar resurs merkeziniñ reisi, qırımtatar Milliy Meclisi çetel işler ve huquq meseleleri boyunca idaresiniñ başı Eskender Bariyev ‘Qırım.Aqiqat’ portalına intervyu devamında işğal etilgen Qırımda patlavlardan soñ hüküm sürgen vaziyetni izaat etti.

Qırımda yüz bergen patlavlardan soñ Rusiyege tabi olğan hakimiyet ve rusiye tarafdarı olğan faal sakinlerniñ lafları deñişti. Bariyev aytqanına köre, olar olıp keçken vaqialarğa ya da köz yummağa tırışalar, ya da her kes içün havflı olğanını qayd etmekteler.

 ‘ Vaziyet özleri içün de havflı olğanını, ‘şanlı’ rus ordusı olarnı qorçalap olamaycaqlarını artıq añladılar. İşte böyle alda, patlavlardan yerli sakinler zarar köre bilecegini aytmağa başladılar’,- qayd ete Bariyev.

 Şundan da ğayrı, işğalcılar patlavlardan saqlanmaq içün mağazlarnı teşkirmege başladılar. Ekspert qayd etkenine köre, rusiye hakimiyeti Ukrainağa Ğarptan böyle yüksek keyfiyetli silãh berilecegini közge almağan.