Qırımtatar Maaliy Merkezi

Mültimedia

‘Ukrain-çin işbirligi ve Qırımnıñ deokkupatsıyası’: ne alãqası bar?

27.07.2021

Salı künü, 27 iyülde, Qırımtatar resurs merkezi Ukrainada ‘Serbestlik oğrunda Fridrih Naumann Fondu’ Temsilciliginiñ destegi ile Qırım munaqaşa klubunıñ ‘Ukrain-çin işbirligi ve Qırımnıñ deookupatsıyası’ mevzulı XXI sessiyasını keçirdi.

Ekspertler ukrain-çin munasebetlerniñ Qırım deookupatsıyasına tesirini ve yarımadada çin menfaatlarını amelge keçirüv vaziyetini muzakere ettiler. Munaqaşa esasında QRM tarafından ukrain hakimiyeti içün munasip tevsiyeler işlep çıqarılacaq.

 Spikerler:

Eskender Bariyev- Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı

Artur Haritonov-‘Ukrainanıñ liberal-demokratik ligası’ cemaat teşkilãtınıñ prezidenti ve Free Hong Kong Center leyhasınıñ baş koordinatorı

Boris Babin- y.i.d., professor, QRM eksperti

Valentin Krasnoperov- cemaat erbabı, iş adamı, ‘Soñ kapitalist’ tasil teşebbüsiniñ tesisçisi.

Nevbetteki meseleler muzakere etildi:

1.     Çinniñ global faaliyeti ve rusiye- ukrain konflikti

2.     İşğal etilgen Qırım ve çin menfaatları

3.     Ukraina-çin munasebetleri: çağrı ve istiqbali

4.     İnsan haqları, Ukraina ve Çinde tamır halqlarnıñ haqları

 Tedbir Ukrainada ‘Serbestlik oğrunda Fridrih Naumann Fondu’ Temsilciliginiñ destegi ile keçirildi.