Qırımtatar Maaliy Merkezi

Mültimedia

İnsaniyetke qarşı cinayet: qırımtatar halqınıñ sürgünligi ve Qırım işğali

05.07.2021

Cuma künü, 25 iyünde, Qırımtatar resurs merkezi Ukrainada ‘Serbestlik oğrunda Fridrih Naumann Fondu’ Temsilciliginiñ destegi ile Qırım munaqaşa klubınıñ ‘Haqiqat ve adalet haqqı’ mevzusında XX sessiyasını keçirdi. Ekspertler 1944 senesi qırımtatar sürgünligi ve 2014 senesi Qırım işğali misalinde insaniyetlikke qarşı cinayetlerni talil ettiler. Munaqaşa esasında Qırımtatar resurs merkezi tarafından ukrain hakimiyeti içün munasip tevsiyeler işlep çıqarılacaq.

Spikerler:

Eskender Bariyev- Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı

İrina Starovitskaya- Ukrainada ‘Serbestlik oğrunda Fridrih Naumann Fondu’ Temsilciligi leyhasınıñ meneceri

Mustafa Cemilev- qırımtatar lideri, halq deputatı

Aleksey Plotnikov- yuridik ilimler namzeti

Boris Babin- yuridik ilimler doktorı, professor, QRM eksperti

Lüdmila Korotkih- QRM meneceri

Valdemaras Sarapinas- Ukrainada Litva Cumhuriyetiniñ Fevqulade ve Vekãletli elçisi

Nevbetteki meseleler muzakere etildi:

1944 senesi qırımtatar sürgünligi misalinde insaniyetlikke qarşı cinayet;

İnsanliyetlikke qarşı cinayet neticelerini yoq etüvinde OONnıñ rolü;

Halqara cemiyeti tarafından 1944 senesi qırımtatar sürgünligini genotsıd olaraq tanılması;

Qırımda ırq diskriminatsıyasına qarşı muhafazanıñ halqara usulları;

Qırımda ırq diskriminatsıyasına qarşılıq usulları;

Magnitskiy Aktı İnsaniyetlikke qarşı cinayetlerge yol bermemek aleti olaraq.

Tedbir çerçivesinde ekspertler Ukraina tamır halqına qarşı sovet cinayetleri  ve vaqtınca işğal etilgen Qırımda RF-nıñ şimdiki siyaseti haqqında meselelerini OON seviyesine kötermek kibi suallerni muzakere ettiler.

 Şundan da ğayrı, Qırımda yüz bergen qırımtatarlarğa qarşı diskriminatsıyanıñ takbih etilmesi yarımadanıñ deokkupatsıyası boyunca halqara mevamınıñ saqlanılmasına yardım etecek.