Qırımtatar Maaliy Merkezi

Mültimedia

‘ OONnı yañartmaq kerek’ - Bariyev

28.04.2021

Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev  ATR telekanalına intervyu bergen vaqıtta, dünya öyle bir deñişme devrinde bulunmaqta ki, OONnı yañartmaq ihtiyacı bar ve atta belki bütünley yañı struktura qurmaq kerek olğanını qayd etti.

Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev  ‘Rusiye tarafından işğal etilgen Qırım misalinde devletlerara konfliktler şaraitinde tamır halqlarnıñ inkişafına telükeli vaziyetler’ serlevalı sayd-ivent  ve tamır halqlar meseleleri boyunca OON Daimiy Forumnıñ 20-nci sessiyası çerçivesndeki diger çıqışlar haqqında hikãye etti.

 ‘Çeşit meydanlarda çıqışta bulunıp, vaziyetni añlatqanımızdan ne fayda, hep bir RF OON vesiqa ve qararlarına riayet etmey dep, semetdeşlerimizden öpke sözlerini eşitemiz. Asılında vaziyet öyle qolay degil. Şimdi tanığanımız OON- eñ evelã, ğarbiy dünya ve Sovet Birligi arasında bir añlaşmadır, RF da onıñ devamcısıdır,’-dedi o.

 Bariyevniñ qayd etkenine köre, bugünde bugün OON kerçekten bir sıra ciddiy meselelerni çezip olamay ve şimdi dünya öyle devirde bulunmaqta ki, OONnı yañartmaq ihtiyacı bar, ya da belki bütünley yañı struktura qurmaq kerek.

 Faqat halqara meydanlarda keçirilgen faaliyet neticelerine kelgende, ekspertniñ aytqanına köre, işğal başlağanından berli, ülkelerniñ büyük qısmı Ukraina tarafdarı olğanı elde etildi.