Qırımtatar Maaliy Merkezi

Mültimedia

Şimaliy-Qırım kanalnıñ vaziyetinden dolayı içinden suv keçirmek imkãnsızdır-Hlobıstov

15.04.2021

Qırımtatar resurs merkeziniñ eksperti Yevgeniy Hlobıstov ‘ATR’ telekanalında Qırımda suv kerginligi sebebinden Purin Şimaliy-Qırım kanalına yollar tapacağı haqqında haberni izaatladı. Ekspertniñ aytqanına köre, RF kanaldan faydalanıp olamaz, çünki onıñ vaziyeti içinden suv keçirilmesine imkãn bermez.

‘Mesele şunda ki, Rusiyeniñ orduları Kahovğa suv anbarı yanında olsa bile, RF Şimaliy -Qırım kanalından faydalanıp olamaz. Onıñ bulunğan vaziyeti buna imkãn bermey. Kanalnı çalıştırmaq içün pek büyük resurs ve sermiya kerek,’- dedi o.

Hlobostovnıñ añlatqanına köre, artıq 7 yıl devamında boş turğanı sebebinden kanalnıñ tübü bütünley çatlağan, içinde suv turamaz, aqıp keter. Şu sebepten de kanalnı işletmek imkãnsız.