Qırımtatar Maaliy Merkezi

Mültimedia

‘RF işğal etilgen Qırımda suv meselesini mahsus berbat alğa ketire’- Bariyev

26.03.2021

QRM reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev ‘5 kanal’ğa berilgen intervyusinde RF işğal etilgen Qırımda suvnen olğan vaziyetni mahsus böyle alğa ketire. Böyle etip, halqara teşkilãtlarnıñ yardımınen Ukrainanı yarımadağa suv bermege qandırmaq istey.

‘Suv vaziyeti kerçketen pek müşkül, daha da beter ola bilir. Amma men diqqatıñıznı şuna celp etmek isteyim ki, RF halqara teşkilãtlar yardımınen Ukrainadan suv almaq maqsadınen şu vaziyetni mahsus meydanğa ketire,’-dedi o.

Bariyevniñ qayd etkenine köre, işğalcılarnıñ Qırım çoqraqlarına tesiri tuzlu ve tuzsuz suvlarnıñ balansını bozdı ve tek şu balansnı tiklemek içün eñ azdan 50 yıl kerek olacaq.

‘Qırım nasıl alda elimizge keçecegini şimdiden tüşünmelimiz. Halqara teşkilãtlar RF-na tesir etmesi içün elimizden kelgenini yapmalımız. Qırımnı yoq etilgen degil de, saqlanığan alda qaytarmalımız,’-qoştı ekspert.

QRM reisi, ‘Qırım, Suvsuzluq’ filmde 2.5 million Qırım sakinini suvnen temin etmek imkãnları bar, faqat RF-nıñ mantıqsız siyaseti neticesinde suv resursları kerçekten de yetmeybilecegini añlata.

‘Bizler içün hiç uyğun olmağan diger faktorlarnı da köremiz. Nufuznıñ tek deñişmesi degil de, arttırılması, mesken yerlerniñ qurulması suvnen temin etilmesini talap ete. Arbiy qısımlar, köpürniñ qurulışı ve atta ‘Tavrida’ yolnıñ qurulışına pek çoq suv masraf etile. Şunıñ içün  tabiy menbalarnıñ tolmasında problemler bar, 300000 yaqın çalı ve terek yıqtırılğan edi’,- dedi o.