Qırımtatar Maaliy Merkezi

Mültimedia

Bariyev "Tamır halqları boyunca" Ukraina qanunınıñ qabul etilmesiniñ kerekligi aqqında hatırlattı

17.02.2021

Qırımtatar Maaliy Merkezi idaresiniñ yolbaşçısı, Qırımtatar Milliy Meclisiniñ uquqiy meseleleri ve tış işleri idaresiniñ başlığı Eskender Bariyev ATR kanalına bergen intervyüsinde, telekanalnıñ maaliyenen temin etilüvi meselelerini iza eterek, "Tamır halqları boyunca" Ukraina qanunınıñ qabul etilmesiniñ müimligini qayd etti. Aksine, şu problema er yıl yüz berecegi aqqında aytıp keçti ekspert.

Vastalarnı qıdırmaq kerek. Men endi bir qaç kere aytıp keçken edim, zanımca, esas ve doğru mehanizm - tamır halqları boyunca qanunınıñ qabul etilmesidir. Mında institutsional alda temsilcilik organları olğan etnik informatsion kütleviy vastalarnıñ tamam böyle maqsatlarğa doğrulğan maaliye ile temin olunuvı ötkerilecek ve bu al qanunda yazılması lâzim", dep añlattı o.

Bariyev qayd etti ki, eger bu mesele sistemli alda çezilmese, Ukraina er yıl bu problemağa qayta berecek. O Ukraina prezidentini, Nazirler Kabinetiniñ vekillerini ve deputatlarnı öz küvetlerini birleştirip meseleni çezmege çağırdı. Qırımtatar Maaliy Merkezi idaresiniñ yolbaşçısı, eger telekanal qapatılsa, "bu bütün devlet içün maskaralıq olur", - dep  qayd etti.