Qırımtatar Maaliy Merkezi

Mültimedia

"Qanunsız Qırımğa köçip kelgenlerniñ episi yarımadını terk etmege mucburlar" - Bariyev

11.02.2021

Qırımtatar Maaliy Merkezi idaresiniñ yolbaşçısı, Qırımtatar Milliy Meclisiniñ uquqiy meseleleri ve tış işleri idaresiniñ başlığı Eskender Bariyev ATR telekanalına bergen intervyüsinde Ukrainanıñ reintegratsiya Nazirliginiñ yolbaşçısı Aleksey Reznikovniñ, rusiyeliler yarımadada deokkupatsiyadan soñ qalmaq mümkünler degen  beyanatını tefsir etti. Bariyev qayd etti ki, Ukraina böyle areketler kösterip özü de, Rusiye kibi, cinayetlik yapacaq, şunıñ içün Qırımğa qanunsız köçip kelgenlerniñ episi yarımadanı terk etmege borclular.

"Rusiyeliler deokkupatsiyadan soñ yarımadada qalmaq mümkünler degen beyanat- bu halqara aq-uquqlarnıñ bozuluvıdır.  Aqiqaten, halqara uquğında  işğal etilgen topraqlarğa öz  grajdanlarnıñ köçüvine qol tutqan devlet cinayetlik etkeni  açıq-aydın aytıla. Yani, oña köre, biz de, böyle areketlerge qol tutaraq, RF kibi  cinayetsizlik yapamız dep,  sayılacaq. Bu yerde biz öz mevamımızda qatiyen turmaq lâzim",- añlattı o.

Bundan ğayrı, Bariyev UYUR teklif etilgen "Keçici adliye" qanun proyektinde "kollaboratsiya" añlamı yoq olğanı aqqında ayttı. Endi, işğal vaqıtında yarımadağa köçip kelgenlerniñ ileride yaşalmasını,  işğal vaqıtında  tizilgen bütün muqavelelerniñ aqlı olğanını tanımaq teklif etile. Şu aqta, QMM-niñ ekspertleri  kollaboratsiyağa qıymet kesüv usullarını işlep azırladılar.

"Bilem ki, bizim bazı vatandaşlarımız, bu press-konferentsiyanı körip, şu mevzunı çoq doğru añlamazlar. Onıñ içün izaat etem. Şimdiki vaqıtta kollaboratsiya er keske ait. İlk-evelâ biz añlamaq kerekmiz, kim kollaboratsiya yapqanda cinayetlik yapa, kimler ise öz grajdanlarına , misal içün ekimler kibi, yardım köstere. Şunıñ içün biz 12 kriteriy teklif ettik, ve olarğa binayen er biri şu sanktsion cedveline tüşmek ihtimalını sınap baqmağa imkânı bar", - dep qoştı QMM idaresiniñ başlığı.