Qırımtatar Maaliy Merkezi

Mültimedia

Qırımtatarları Rusiye içün ealiniñ uyğun kelmegen qısmıdır – Bariyev

13.01.2021

Qırımtatar Maaliy Merkezi idaresiniñ yolbaşçısı, Qırımtatar Milliy Meclisniñ azası Eskender Bariyev " "Apostrof TV" –ge bergen intervyüsinde Qarasuv "Hizb ut-Tahrir işi" iştirakçileri boyunca çıqarılğan ükümlerini tefsir eterek, Qırımtatarları Rusiye içün ealiniñ uyğun kelmegen  bir qısmı  ve şunıñ içün işğalciler, halqnı qorqutmaq içün, öz qanunlarını işletip başlaylar dep, - haber etti

"Eñ başından Rusiye Federatsiyası Qırımnı işğal etip başlağanda, qırımtatar halqınıñ bar olğanını şübege oğrata edi ve şu sebepten qırımtatarlarını de Qırımdaki tatarlar, de tatar diasporası  ve il. dep adlandırmağa tırışa edi. Şunıñ içün biz halqara seviyesinde bütün halqara vesiqalarında açıq-aydın "qırımtatar halqı" sözi yanğırasın dep, faal çalışamız", - qayd etti o.

Bariyev, tamam tamır qırımtatar halqı tap  2014 s. martta referendumda iştirak etmeyip, bu künge qadar siyaiy protsesslerni itibarsız qaldırıp  öz mevamını köstergenini  hatırlattı.

"Rusiye içün qırımtatarları - ealiniñ uyğun kelmegen, kelişiksiz  bir qısmı olğanından sebep, olarğa qarşı öz uquqlarını işletip başlaylar. Zanımca, "Hizb ut-Tahrir",  ilk-evelâ, bu halqnı korqu içinde tutıp, onıñ qıya deportatsiyasına, yani Qırımnıñ içinden sıqıştırıp çıqarmaq içün   yardımcı bir vastadır" - dep izaatladı ekspert.

QMM idaresiniñ yolbaşçısı yañı ükümler, Keriç köpüründeki yaqalanuvlar ve diger faktorlar – bu rusiye işğalcileri tarafından rasa diskriminatsiyası ve atta   qırımtatar halqınıñ genotsidi degen netice çıqardı.