Qırımtatar Maaliy Merkezi

Mültimedia

Eskender Bariyev: "Bizim vazifemiz – işğal etilgen topraqlardaki Ukraina vatandaşlarını koronavirus telükesi aqqında azamiy olaraq haberdar etmek"

02.04.2020

Qırımtatar Maaliy Merkezi idaresiniñ yolbaşçısı, Qırımtatar Milliy Meclisiniñ azası Eskender Bariyev "UA:Qırım" telekanalınıñ yayınında işğal etilgen Qırımda koronavirus yuqunçınıñ tarqaluvı vaziyetinde kütleviy tedbirlerniñ ötkerilüvini tefsir etti. Onıñ sözlerine köre, şimdi eñ müim vazifelerden biri – işğal etilgen topraqlardaki  Ukraina vatandaşlarına koronavirus telükesi aqqında malümat berilmesidir.

"Ukraina akimiyeti, işğal etilgen topraqlar, ayrıca Donetsk ve Lugansk vilâyetlerindeki vatandaşlarımız kütleviy şekilde Ukraina nezareti altında olğan topraqlarğa keçip kelgenine azır olmalı. Ne içün Donetsk ve Lugansk vilâyetlerinden? Çünki Rusiye Qırımnı öz toprağı olaraq sayıp, yarımadada koronavirusqa qarşı çareler körecek. Donbassqa ise diqqat berilmeycek, çünki Rusiyeniñ özüniñ bölgelerinde bile koronavirus tarqaluvına qarşı küreşmege ne küçi, ne parası, ne de mütehassısları yetecek", - dep ayttı Bariyev.

O, işğal etilgen Qırımdaki vatandaşlarını muqayt olıp, evde qalmağa ve sağlıqnı qorumağa çağırdı.