Qırımtatar Maaliy Merkezi
+38 (067) 343 74 54   +38 (044) 489 61 25

Qırımtatar sürgünliginiñ 78 yıllığı munasebeti ile QRM-niñ informatsıon kampaniyası İvano-Frankovskta taqdim etildi

2022 senesi 18 mayıs künü Qırımtatar resurs merkezi bütün Ukraina boyunca qırımtatar sürgünliginiñ 78 yıllığı munasebetinen informatsıon kampaniyasını başlattı.

Plakatlarda ukrain cemiyetine rusiye hakimiyetiniñ artıq muntazam şekilde yüz bergen cinayetlerni numayış etile. Dünya 1944 senesi qırımtatar sürgünligini takbih etmedi ve cezasız qalğan cinayet yañılarğa yol açtı. Al-azırda Rusiye ukrain halqınıñ genotsıdını kerçekleştire.

 Yazıq ki, 78 yıl keçkenine baqmadan tarih tekrarlana. RF ukrain halqını yoq etmege tırışıp, Sovet hakimiyetiniñ siyasetini devam ete. RF kütleviy şekilde öldüre, qadınlarğa qarşı tecavuz ve şiddet köstere, balalarnı qaçıra, ukrainlerni Rusiye topraqlarına köçüre, evlerini ise darma-dağın qaldıra, tıpqı 1944 senesi sovet hakimiyeti yapqanı kibi.

1944 senesi Qırımdan 238 500 adam sürgün etildi, olardan 46,2% elãk oldı. Bir çoq insan öz vatanında yaşamaq imkãnından mahrum qaldırıldı. Şimdi ise Rusiye Ukrainağa qarşı cenk başladı. BMT(OON) malümatlarına köre, rusiye askerleri 3540 adamnı öldürdiler. 1 mln 185 biñ ukrain vatandaşı RF territoriyasına köçürilgen. Çetelge ise 5.5 mln ukrain ketken.

 Biz bunu toqtatmalımız.

 Fotoda İvano-Frankovsk şehrinde yerleştirilgen plakatlarnı köre bilesiz. Bu resimler sayesinde şeher sakinleri 1944 senesi  ve 2022 senesi künümizde yüz bergen facialı vaqialar haqqında ögrene bilecekler.

 1944 senesi genotsidi, tıpqı 2022 senesi ukrain halqınıñ  genotsidi kibi bütün dünya tarafından tekbih etilmeli.

 Plakatlar QRM, #LIBERATECRIMEA halqara areketi ve ukrain ressamı Andrey Yermolenko tarafından işlep çıqarıldı.

İşğal etilgen Qırımda Suvuq-Suv özeni qurumaqta

İşğal etilgen Qırımnıñ yalı boyunda eñ uzun sayılğan özen-Suvuq-Suv qurumaqta. Bunıñ sebebi rusiye hakimiyeti bir çoq diger quyu qazğanındandır. Bu aqta ‘Qırım.Aqiqat’ haber ete.

06.01.2022

İşğal etilgen Qırımda 2021 senesi noyabr ayında insan haqlarını bozuvlarınıñ talili

Qırımtatar resurs merkezi İşğal etilgen Qırımda 2021 senesi noyabr ayında insan haqlarını bozuvlarınıñ talilini taqdim ete. Teşkilãt bergen malümatlarğa köre, bu devir içinde 1 tintüv, 53 tutuqlama, 34 yaqalama, 53 sorğu, 39 para cezası yer aldı. Adaletli mahkeme haqqı 88 kere bozuldı. Sağlıqnıñ eñ yüksek seviyesine yetmek haqqı da 7 kere bozulğanı belli. Daha tafsilãtlı malümatnı esabatımızda tapmaq mümkün.

11.12.2021

QRM advokat Edem Semedlãyevniñ tutuqlanması munasebetinen beyanatı

2021 senesi 11 noyabr künü, Aqmescit Merkeziy rayon mahkemesi advokat Edem Semedlãyevni polis hadiminiñ emirine tabi olmağanında qabaatlı tanıdı.

12.11.2021

İşğal etilgen Qırımda 2021 senesi oktãbr ayında insan haqları bozuvlarınıñ talili(taqdim)

Qırımtatar resurs merkezi 2021 senesi oktãbr ayında insan haqları bozuvlarınıñ talilini taqdim ete. Teşkilãtnıñ malümatlarına köre mezkür devir içinde 3 tintüv, 73 yaqalama, 16 tutuqlama(hapis), 73 sorğu, 40 para cezası ve 1 başqa yerge keçirüv qayd etildi. Adaletli mahkeme haqqı 47 kere bozuldı. Fizik ve ruhiy sağlıqnıñ eñ yüksek seviyege yetmek haqqı 4 kere bozulğanı belli. Tafsilãtlıca talilimizden ögrenmek mümkün.

11.11.2021

Üçünci Bağçasaray ‘Hizb ut-Tahrir davası’nıñ iştirakçilerine dair çıqarılğan qarar munasebeti ile QRM beyanatı

2021 senesi oktãbrniñ 29-ında Rostov-na-Donu arbiy mahkeme 2020 senesi 11 martta tutuqlanğan üçünci Bağçasaray ‘Hizb ut-Tahrir davası’nıñ iştirakçilerine dair qarar çıqardı.

02.11.2021

İşğal etilgen Qırımda 2021 senesi 9 ay içerisinde insan haqlarını bozuvlarınıñ talili(taqdim)

Qırımtatar resurs merkezi işğal etilgen Qırımda 2021 senesi 9 ay içerisinde insan haqlarını bozuvlarınıñ talilini taqdim etti. Teşkilãtnıñ malümatlarına köre, mezkür devir içerisinde 46 tintüv, 238 tutuqlama, 238 sorğu yüz berdi. 9 ay devamında 147 yaqalama qayd etildi: 25 yañı, 18-administrativ , 83- hapiste tutulma müddetini uzatuv, 22- mahkeme hükmü. Adaletli mahkeme haqqı 292, fizik ve psihik sağlığınıñ eñ yüksek seviyesine haqqı 122 kere bozuldı. Şundan da ğayrı 38 siyasiy mahbüs Qırımdan başqa yerge keçirilgeni belli. 55 kere para cezasına mahküm etildi.

22.10.2021

İşğal etilgen Qırımda 2021 senesi sentãbr ayında insan haqlarını bozuluvınıñ talili(tqdim)

Qırımtatar resurs merkezi işğal etilgen Qırımda 2021 senesi sentãbr ayında insan haqlarını bozuluvınıñ talilini taqdim ete. Teşkilãt bergen malümatlarğa köre, mezkür devir içerisinde 7 tintüv, 67 yaqalama, 13 tutuqlama, 67 sorğu, 25 para cezası ve 2 kere yer deñiştirilmesi yüz berdi. 4 kere adaletli mahkeme haqqı, 27 kere fizik ve psihik sağlığınıñ eñ yüksek seviyesine haqqı bozuldı.

18.10.2021

Meclis temsilcisi GESS reisi ile körüşti

Cuma künü, sentãbrniñ 10-unda qırımtatar Milliy Meclisiniñ huquq meselesi ve çetel işler boyunca idareniñ başı ve QRM reisi Eskender Bariyev Ukrainanıñ etnosiyaset ve vicdan serbestligi boyunca Devlet hızmetiniñ reisi Yelena Bogdan ile körüşti.

07.10.2021

İşğal etilgen Qırımda 2021 senesi avgust ayında insan haqları bozuluvınıñ talili

Qırımtatar resurs merkezi işğal etilgen Qırımda 2021 senesi avgust ayında insan haqları bozuluvınıñ talilini taqdim ete. Teşkilãtnıñ malümatlarına köre, mezkür devir içinde 15 yaqalama, 29 tutuqlama, 5 tintüv, 15 sorğu qayd etildi. Adaletli mahkeme haqqınıñ bozuluvı 30 kere yüz berdi. Fizik ve psihik sağlığınıñ eñ yüksek seviyesine haqqı 10 kere bozuldı.

10.09.2021

İşğal etilgen Qırımda 2021 senesi 17 avgustta kütleviy şekilde keçirilgen tintüvler ve tutuqlamalar munasebeti ile QRM-niñ beyanatı

Salı künü 17 avgustta rusiye silãhlı küçler Bağçasaray, Aqmescit, Aqyar rayonlarında 5 qırımtatar evinde tintüvler keçirdi.

24.08.2021

QRM ‘Hizb ut -Tahrir davası’nıñ iştirakçilerine mahkeme hükmü munasebetinen beyanatı

2021 senesi 16 avgust künü Rostov-na-donu Cenübiy arbiy mahkemesinde ‘Hizb ut-Tahrir davası’ boyunca soñ mahkeme toplaşuvı keçirildi. Lenur Halilov, Ruslan Mesutov, Ruslan Nagayev, Eldar Kantemirovğa dair mahkeme hükmü çıqarıldı.

16.08.2021

2021 senesi iyül ayında işğal etilgen Qırımda insan haqları bozuvlarınıñ talili

Qırımtatar resurs merkezi 2021 senesi iyül ayında işğal etilgen Qırımda insan haqları bozuvlarınıñ talilini taqdim ete. Teşkilãtnıñ malümatlarına köre, mezkür devir içinde 9 tutuqlama, 2 tintüv, 2 para cezası qayd etildi. Adaletli mahkeme haqqı 30 kere bozuldı. Sağlıqnıñ eñ yüksek fizik ve psihik seviyesine yetmek haqqı 16 kere bozulğanı qayd etildi.

11.08.2021

2021 senesiniñ 1 çeriginde işğal etilgen Qırımda insan haqları bozuvlarınıñ talili(taqdim)

Qırımtatar resurs merkezi 2021 senesiniñ 1 çeriginde işğal etilgen Qırımda insan haqları bozuvlarınıñ talilini taqdim etti. Teşkilãtnıñ malümatlarına köre, esabat deviri içinde rusiye silãhlı küçler 32 tintüv, 156 tutuqlama, 41 sorğu keçirdiler. Ağımdaki sene 6 ay devamında umumen 96 hapisleme qayd etildi: 14 yañı, 55- hapiste bulunma müddetiniñ uzatılması, 27-mahkeme hükümi. Adaletli mahkeme haqqı 205 kere, fizik ve psihik sağlıqqa eñ yüksek seviyede sahip olmaq haqqı ise 90 kere bozuldı. Qırım siyasiy mahbüsleri 36 kerek başqa yerlerge alıp ketirildi, 28 kerek para cezasına mahküm etildi. Bozuvlarnıñ büyük qısmı qırımtatar halqınıñ vekillerine aittir. Böye vaziyet yarımadada artıq sistemli mizacnı taşıy.

21.07.2021

2021 senesi iyün ayında işğal etilgen Qırımda insan haqları bozuluvlarınıñ talili(taqdim)

Qırımtatar resurs merkezi 2021 senesi iyün ayında işğal etilgen Qırımda insan haqları bozuluvlarınıñ talilini taqdim ete. Teşkilãtnıñ malümatlarına köre, 2 tutuqlama, 2 sorğu qayd etildi. Umumen 24 hapisleme yüz berdi, 28 kere adaletli mahkeme haqqı bozuldı, fizik ve psihik sağlığınıñ eñ yüksek seviyesine haq bozuluvı 7 kere qayd etildi.

10.07.2021

Işğal etilgen Qırımda 2021 senesi mayıs ayında insan haqlarını bozuvlarınıñ talili(taqdim)

Qırımtatar resurs merkezi işğal etilgen Qırımda 2021 senesi mayıs ayında insan haqlarını bozuvlarınıñ talilini taqdim etti. Teşkilãt bergen bilgilerge köre, mezkür müddet içinde 4 tintüv, 2 tutuqlama, 6 sorğu, sorav ve ‘subet’ qayd etildi. Aprel ayında 3 hapisleme qayd etilgen edi. Adaletli mahkeme haqqınıñ bozuluvı 29 kere qayd etildi. Fizik ve ruhiy sağlıq haqqınıñ da 7 kerek bozulması belli.

10.06.2021

QRM qırımtatar sürgünliginiñ 77 yıllığı munasebetinen ‘Genotsıd olmasın!’ kampaniyasını başlay

Qırımtatar resurs merkezi qırımtatar sürgünliginiñ 77 yıllığı munasebetinen ‘Genotsıd olmasın!’ informatsıon kampaniyasını başlay. Pervasız olmağanlarnı qoşulmağa davet etemiz.

31.05.2021

2020 senesi Qırımda ekologik vaziyet

Qırımtatar resurs merkeziniñ ekspertleri ‘İşğal etilgen Qırım territoriyasında 2015-2020 ss. iqlimniñ deñişmesi, ekologik vaziyetniñ hususiyetleri ve ekologik-iqlimiy monitoringniñ vaziyeti’ mevzusında araştırmanı taqdim ete.

31.05.2021

Qırımnıñ 7 işhanesi avağa zararlı maddelerni çıqara

Şarqiy Qırımda yerleşken yedi işhaneden avağa zararlı maddeler çıqarıla. İşğal etilgen yarımadanıñ prokuraturası qabaatlı şahıslarnı memuriy mesuliyetke çağırılmasına teşebbüs kösterdi. Bu aqta muessiseniñ matbuat-hızmeti haber bere.

21.04.2021

İşğal etilgen Qırımda 2021 senesiniñ ilk çeriginde insan haqlarını bozuvlarınıñ talili(taqdim)

Qırımtatar resurs merkezi işğal etilgen Qırımda 2021 senesiniñ ilk çeriginde yüz bergen insan haqlarını bozuvlarınıñ talilini taqdim ete. Teşkilãtnıñ bildirgenine köre, mezkür vaqıt içerisinde 22 tintüv, 146 yaqalama, 23 sorğu keçirilgen edi. Yılnıñ ilk üç ayında umumen 45 adam hapiske alındı: 10-yañı, 16-müddetni uzatuv, 19-mahkeme hükümi. Adaletli mahkeme haqqınıñ bozuvı 113 kere yüz bergen edi. Fizik ve psihik sağlığına dair haqlarnıñ bozulması 51 kere qayd etildi. Şundan da ğayrı, 33 kere siyasiy mabuslar Qırımda başqa yerlerğe alıp ketildi. QRM esabatında din haqları, yarımadada ekologik normaları, hapisteki müşkül şaraitler, siyasiy mabuslarnıñ haqları bozulğanı ve işğal etilgen Qırımda qanunsız arbiy talimler keçirilgeni haqqında malümat bulunmaqta.

19.04.2021