Qırımtatar Maaliy Merkezi

İşğal etilgen Qırımda 2021 senesi 17 avgustta kütleviy şekilde keçirilgen tintüvler ve tutuqlamalar munasebeti ile QRM-niñ beyanatı

Salı künü 17 avgustta rusiye silãhlı küçler Bağçasaray, Aqmescit, Aqyar rayonlarında 5 qırımtatar evinde tintüvler keçirdi.

Tintüvler keçirildi:

1. Raif Fevziyev- Aqmescit rayonı, Strogonovka köy imamı, faalli;

2. Cabbar Akimov- faalli, iftarlar ve kütkeviy tedbirlerniñ teşkil eticisi;

 3. Zavur Abdullayev- faalli, iftarlar ve kütkeviy tedbirlerniñ teşkil eticisi;

4. Rustem Murasov- faalli, iftarlar ve kütkeviy tedbirlerniñ teşkil eticisi;

5. Rustem Tairov- faalli, iftarlar ve kütkeviy tedbirlerniñ teşkil eticisi.

Tintüvler saba saat 4 başlandı, advokatlarnı tintüv keçirilgen yerlerge yibermediler.

Beşi de, RF CK 205.5 maddesine binaen, terrorist teşkilãtınıñ faaliyetini teşkil etüv ve şu teşkilãtta iştirak etüvde qabaatlanıp tutuqlandılar.

 2021 senesi 17 avgustta  Aqyar Lenino rayon mahkemesi Cebbar Bekirov ve Rustem Tairovnı  2021 senesi 11 oktãbrge qadar hapiste qaldırmaq, Aqmescit Kiyev rayon mahkemesi ise imam Raif Fevziyevni 20201 senesi 12 oktãbrge qadar hapiste tutmaq qararlarını çıqardılar.

 2021 senesi 18 avgustta Aqyar Lenino rayon mahkemesi Rustem Murasov ve Zavur Abdullayevni 2021 senesi 11 oktãbrge qadar hapiste tutmaq qararını çıqardı.

Ceza çeşiti boyunca şikãyet muracaatı baqılğanda mahkeme zalına tutuqlanğalarnıñ tuvğanları ve diñleyiciler kirsetilmedi.

Rustem Murasovnıñ evinde 2016 senesi tintüvler endi keçirilgen edi. O tutuqlansa da, birazdan serbest qaldırılğan edi. 2018 senesi 2 fevralde Rustem Tairov ve Rustem Murasov da tutuqlanıp yiberilgen ediler. Böyle kibi areketler qırımtatar faalleri mahsus taqip etilgenlerini isbatlay.

 Qırımtatar resurs merkezi mezkür qararğa qatiyen qarşı çıqa ve onı qanunsız, siyasiy ve cinaiy dep saya. RF-nıñ böyle siyaseti- olardan farqlı tüşüncege qarşı, işğal etilgen Qırımda insanlarnıñ diniy ve siyasiy noqta-i nazarlarğa qarşı küreşniñ numayışıdır.

RF öz qanunlarını siyasiy menfaatlarında qanunsız şekilde, ayrıca, qırımtatarlarnıñ Qırım işğaline qarşı itiraz ve zorbalıqsız küreşini bastırmaq maqsadınen qullana.

Qırımtatar resurs merkezi işğal etilgen Qırım territoriyasında bütün siyasiy mahbüslerni azat etmege talap ete.

Qırımtatar resurs merkezi halqara cemaatçılıqnı  Qırımda siyasiy taqiplerini toqtatmaq maqsadınen Rusiye Federatsıyasına basqını arttırmaq ve Qırımda insan haqlarını bozuvları içün mesüliyetli şahıslarğa qaşrı sanktsıyalar kirsetmege çağıra.

 Qırımtatar Resurs merkeziniñ matbuat-hızmeti

"Bayraqnen birleşkenler - #LIBERATECRIMEA" sergisi

2019 senesi iyunniñ 26-da Hreşçatik soqağındaki Kiyev şeer devlet memuriyetiniñ binası qarşısında "Bayraqnen birleşkenler - #LIBERATECRIMEA" sergisi açıldı. 24 malümat stendinden ibaret olğan sergi qırımtatar milliy bayrağınıñ 28 memleket boyunca seferine bağışlandı.

26.06.2019

Qırımtatar milliy bayraq künü aqqında tanıtma

2019 senesi Qırımtatar Maaliy Merkezi Qırımtatar milliy bayraq künü aqqında tanıtma azırladı. Tanıtmada qırımtatar milliy bayraqnıñ tarihi aqqında tarif etile.

26.06.2019

#LIBERATECRIMEA yazuvlı şiarlarınıñ sergisi

Qırımtatar Maaliy Merkezi, #LIBERATECRIMEA Qırımnı işğalden qurtaruv ve qırımtatar halqı ile birdemlik halqara cemaat areketiniñ yazuvlı şiarlarını taqdim etti. Serginiñ mevzusı Rusiyeniñ Ukrainağa qarşı tecavuzınen bağlı edi.

16.03.2019

"Menim babam – qaraman" risalesi

Bu risale – işğal etilgen Qırımda ğayıp olğan ya da siyasiy sebeplerden apiste tutılğan insanlarnıñ balaları "Menim babam – qaraman" yarışı içün yazğan inşalarnıñ cıyıntığı. Bala yarışı Qırımtatar Maaliy Merkezi ve Qırımtatar Milliy Meclisi teşebbüsinen ötkerildi.

29.10.2018

"Qırım işğal etilgenden berli ğayıp ya da elâk olğan insanlar" risalesi (yañartılğan, ingliz tilinde)

Qırımtatar Maaliy Merkezi yañartılğan, ingliz tilindeki "Qırım işğal etilgeninden berli ğayıp ya da elâk olğan insanlar" risalesini taqdim etti.

30.08.2018

İşğal etilgen Qırımda 2017 senesinde insan aqları bozuvlarınıñ talili (ingliz tilindeki risale)

Risalede işğal etilgen Qırımda 2017 senesinde qayd etilgen insan aqları bozuvlarınıñ deñişip turuvı ve talili taqdim etile.

01.02.2018

"Qırımtatarlar – Qırımnıñ tamır halqı" sergisi

Qırımtatar Maaliy Merkezi, Estoniyadaki insan aqları institutı ve Ukraina İnformatsion siyaseti nazirliginen beraberlikte qırımtatar halqınıñ tarihi mevzusındaki sergini azırladı. Sergi Estoniya Tış işler nazirliginiñ yardımınen ötkerildi.

18.07.2017

"Qırım işğal etilgenden berli ğayıp ya da elâk olğan insanlar" risalesi (qısqadan)

Qırımtatar Maaliy Merkezi "Qırım işğal etilgenden berli ğayıp ya da elâk olğan insanlar" risalesiniñ qısqa şeklini azırladı.

10.06.2017

"Qırım işğal etilgenden berli ğayıp ya da elâk olğan insanlar" risalesi

Qırımtatar Maaliy Merkezi Avropa demokratiya fondunıñ yardımı ile "Qırım işğal etilgenden berli ğayıp ya da elâk olğan insanlar" risalesini işlep çıqardı. Er insannıñ doğğan künü, yaşağan yeri, faaliyeti, ğayıp oluv ya da ölüm künü ve allarına dair malümat berile.

09.06.2017

"Qırımnıñ siyasiy mabüsleri" risalesi (2017-4) (ingliz tilinde)

2017 senesi yanvar ayında Qırımtatar Maaliy Merkezi Avropa demokratiya fondunıñ yardımınen azırlanğan Qırımnıñ siyasiy mabüsleri aqqında yañartılğan, ingliz tilindeki risaleni taqdim etti.

26.01.2017

"Qırımnıñ siyasiy mabüsleri" risalesi (2016-3) (qısqadan)

2016 senesiniñ yazında Rusiye işğalcileri "Ukraina fitnecileri davasınıñ" birinci iştirakçilerini yaqaladı.Qırımtatar Maaliy Merkezi öz malümat toplamınını yañartıp, Qırımnıñ siyasiy mabüsleri aqqında üçünci risaleniñ qısqa şeklini taqdim etti.

30.09.2016

"Qırımnıñ siyasiy mabüsleri" risalesi (2016-3)

2016 senesiniñ yazında Rusiye işğalcileri "Ukraina fitnecileri davasınıñ" birinci iştirakçilerini yaqaladı. Qırımtatar Maaliy Merkezi öz malümat toplamınını yañartıp, Qırımnıñ siyasiy mabüsleri aqqında risaleniñ üçünci şeklini taqdim etti.

20.09.2016

"Qırımnıñ siyasiy mabüsleri" risalesi (2016-2)

2016 senesiniñ aprel ve mayıs aylarında işğalciler qırımtatarlarnı kütleviy şekilde yaqalağan soñ Qırımtatar Maaliy Merkezi "Hizb ut-Tahrir davasınıñ" yañı iştirakçileri aqqında malümatnı qoşıp "Qırımnıñ siyasiy mabüsleri" risalesini yañarttı.

15.06.2016

"Qırımnıñ siyasiy mabüsleri" (2016-1)

2016 senesi aprel ayında Qırımtatar Maaliy Merkezi Avropa demokratiya fondunıñ yardımınen Qırımnıñ siyasiy mabüsleri aqqında birinci risaleni azırladı. Risalede "26 fevral davası", "Qırım davası", "Hizb ut-Tahrir davası" ve ayrı davalar aqqında malümat berile.

26.04.2016