Refat Çubarovğa nisbeten çıqarılğan mahkeme hükmü munasebeti ile Qırımtatar resurs merkeziniñ beyanatı

June 2, 2021

2021 senesi, 1 iyün künü, ‘Qırımnıñ Aliy mahkemesi’ ğıyabiy şekilde qırımtatar milliy Meclis reisi Refat Çubarovğa nisbeten hüküm çıqardı.  Çubarov RF CA 212 m., 1,2 qısım, 280.1 madde boyunca cinayetlerde qabaatlanıp, 6 yıl hapis cezası, 200 biñ ruble para cezası ve 200 saat ceza işlerine mahküm etildi. Hüküm 2014 senesi 26 fevral künü Qırım Muhtar Cumhuriyetiniñ işğaline qarşılıq kösterilgen künü ‘kütleviy tertipsizlik’ teşkil etkeni içün çıqarılğan eken.
 Çubarov ‘dava’sı  2015 senesi başlatılıp, 2016 senesi Meclis reisine nisbeten halqara qıdıruv ilãn etlgen edi. ‘Dava’nıñ ketişatı ve baqılması esnasında qanun boyunca cezalama haqqı bozulğan edi, çünki RF, işğalcı devlet olaraq, IV Jeneva konventsıyasına binaen, öz cezalı qanuncılığını Qırımnıñ territoriyasında amelge keçiremez.

 Çubarov Rusiye tarafından işğal etilgen territoriyada bulunmağanı sebebinden, agressor devletiniñ ceza organları ekstraditsıyağa ümüt etip, Çubarov ziyaret etken devletlerden biri onı Rusiyege berecegine işanalar.

 Qırımtatar resurs merkezi mezkür mahkeme hükmü qanunsız, cinaiy olıp, Rusiye Federatsıyası tarafından halqara haqlar normalarını bozğanını, Qırımnıñ tamır halqı-qırımtatarlarnı taqip etüv siyasetiniñ devamı olğanını beyan ete. Meclisniñ yasaq etilmesi ve reisine çıqarılğan mahkeme hükmü Rusiye qırımtatar halqını öz Vatanından sıqıştırıp çıqarmağa devam etecegine işaret ete.

 Şu sebepten Qırımtatar resurs merkezi:

Ukraina Yuqarı Şurası, Ukraina mudafaa ve milliy havfsızlıq Keñeşi, Ukraina Prezidenti ofisine muracaat eterek, Refat Çubarovnıñ davası boyunca tehqiq işlerini alıp barğan, qaabatlağan ve hüküm çıqarğan şahıslarğa qarşı şahsiy sanktsıyalarnı kirsetmekni talap ete;

Halqara teşkilãtlar- NATO General Assambleyası, Avropa Parlamenti, AB parlament Assambleyası, NATO Parlament Assambleyası, Avropada işbirlik ve havfsızlıq boyunca teşkilãt, OON-ğa muracaat etip, Rusiye Federatsıyası tarafından halqara haqlar normasını bozuvına qıymet kesmek ve agressor-devletke qarşı qoşma sanktsıyalar kirsetmek meselesini muzakere etmekni talap ete;

Halqara cemiyetke muracaat etip, işğal etilgen Qırımda insan haqlarınıñ bozulması içün mesüliyetli şahıslarğa qarşı sanktsıyalar kirsetmek meselesini baqmağa rica ete.