Qırımtatar Maaliy Merkezi

«Veciye Kaşka işi» şahısları İyülniñ 15-ce qapalı olacaqlar

21.06.2018

«Veciye Kaşka işi» şahısları Bekir Degermenci, Asan Çapuh, Kyazim Ametov ve Ruslan Trubaç İyülniñ 15-ce qapalı olacaqlar.

Noyabrniñ 23-de Rusiye askerleri qırımtatar milliy areketçileri Bekir Degermenci, Asan Çapuh, Ruslan Trubaç, Kyazim Ametov ve Veciye Kaşkanı yaqaladılar. Veciye Kaşkanıñ alı yaramay oldı. Oña acele yardımını çağırdılar. Hastahanege etmeyip, 82 yaşında olğan Veciye Kaşka vefat etti. Qalğanlarını Türkiye grajdanından para talap etüvinde qabaatladılar. Ondan da ğayrı, Rusiye askerleri tintüvler olğan vaqtında qırımtatar areketçilerde üç avtomat qurşun ile, aşırıcılıq malümatları taşığan materiallar tapılğan emiş soñca beyan ettiler.

Qırımtatar Resurs Merkezi işğalcilerniñ bu areketleri qanunsız, cinaiy, siyasiy sebebini taşığan olğanını beyan ete. Bu areketler qırımtatar halqını qorquzmaq ve qırımtatar milliy areketçilerge basım etmek içün yapılalar.

Qırımtatar Resurs Merkezi yaqalanğan areketçilerni ve başqa siyasiy mabuslerni deral azat etmege talap ete.

Qırımtatar Resurs Merkezi halqara ortaqlıqnı ve halqara uquq qorçalama teşkilâtlarnı siyasiy taqip toqtatmaq ve mahkeme qararlarnı lâğu etmek nietinen Rusiyege ve Qırımdaki işğal akimiyetine basım quvetleştirmege çağıra.