Qırımtatar Maaliy Merkezi

«Hizb ut-Tahrir işi» şahısı Nuri Primovnıñ anası Raime Primova açlıq ilân etti

21.06.2018

İyunniñ 20-de «Hizb ut-Tahrir işi» şahısı Nuri Primovnıñ anası Raime Primova açlıq ilân etti. O avuştıruv cedveline oğlunı kirsetmege talap ete. – «Qırım birdemligi» bildire.

Raime Primova 68 yaşında. O ekinci gruppağa ait saqatında buluna. Onıñ bir büyregi yoqtır ve o qara ciger hastalıqtan azap çekedir. O avuştıruv cedveline oğlunı kirsetmege talap etip Qırımdaki FSB-nıñ idaresine ariza yazğan edi. Anda onıñ arizasına cevap bir ay içinde kelecegini haber ettiler.

Yanvarniñ 23-de 2015 s. Qırımda Rusiye askerleri Nuri Primovnı, Rustem Vaitovnı ve Ruslan Zeytullaevni apis ettiler. Olarnı Rusiye Cinaiy Kodeksiniñ 205.5 maddeni bozuvında qabaatlaylar ("terror areket teşkilâtni tizüv ve onda iştiraq etüv").

Primovnı ve Vaitovnı 5 senege, Zeytullaevni ise 15 senege apishanege qapattılar.