Qırımtatar Maaliy Merkezi

Qırımtatar iş adamları Resul Velilyaev ve Ali Barievge apis müddetlerni devam ettiler

21.06.2018

İyünniñ 21-de Moskvadaki Basman rayon mahkemesi qırımtatar iş adamları Resul Velilyaev ve Ali Barievge apis müddetlerni Sentyabrniñ 25-ge devam etti. Bu aqqında advokat Cemil Temişev Facebook saifesinde yazdı.

Aprelniñ 26-da işğal olunğan Qırımda Rusiye askerleri 33 adresler boünca kütleviy tintüvler keçirdiler. Neticede Resul Velilyaev ve Ali Barievni yaqaladılar. Ondan soñra olarnı Moskvadaki Lefortovo apishanege qanunsız qapattılar. Bu areketler qırımtatar halqını qorquzmaq ve qırımtatar iş adamları ve qırımtatar bizneske basım etmek içün yapılalar.

Qırımtatar Resurs Merkezi işğalcilerniñ bu areketleri qanunsız, cinaiy, siyasiy sebebini taşığan olğanını beyan ete.

İşğalciler Qırımda qırımtatar halqı içün dayanılmaycaq şaraitlerni yarata: biznes qıruv, insanlarnı hırsızlaylar, tintüvler, yaqaluvlar, sorğular, apisler.

Qırımtatar Resurs Merkezi Resul Velilyaev, Ali Barievni ve başqa siyasiy mabuslerni deral azat etmege talap ete.

Qırımtatar Resurs Merkezi halqara ortaqlıqnı ve halqara uquq qorçalama teşkilâtlarnı siyasiy taqip toqtatmaq ve mahkeme qararlarnı lâğu etmek nietinen Rusiyege ve Qırımdaki işğal akimiyetine basım quvetleştirmege çağıra.