Qırımtatar Maaliy Merkezi

Qırımda aşırıcılıqta qabaatlanğan İsmail Ramazanovnıñ apis uzatılğan boünca şikâyetini red ettiler

20.06.2018

İyünniñ 20-de Qırım Yuqarı "mahkemesi" aşırıcılıqta qabaatlanğan qırımtatar areketçi İsmail Ramazanovnıñ İyülniñ 16-ce apis uzatılğan boünca şikâyetini red etti.

Yanvarniñ 23-de Rusiye askerleri Aqmescit rayonı Yañı dünya köünde, Eski Qırım şeerinde, Kefe rayonı Hafuz qasabasında qırımtatar halqınıñ evlerinde tintüvler keçirdiler. Neticede İsmail Ramazanovnı yaqaladılar (Yañı dünya köü). Onı aşırıcılıq teşviqatında: milliyara ve diniyara kinleri taşığan malümatlar tarqaluvında qabaatladılar. O bu malümatlarnı Zello internet-radio vastasınen tarqattı emiş.

Yanvarniñ 24-de Qırımdaki Aqmescit rayonı "mahkemesi" yaqalanğan İsmail Ramazanovnı 30 künge apis etti. "Mahkeme" meclisi vaqtında o ayaqta zornen tura edi. "Mahkeme" meclisi vaqtında İsmail Ramazanov FSB hadımleri onı koteklediler dep, bildirdi.

Apisten soñra Qırım işğal mahkemeleri oña qanunsız apis müddetini uzatalar.